د ننګرهار سیندیزې حوزې ریاست کې د سیند د بستر او حریم د غصب د مخنیوي په موخه د همغږي ناسته ترسره شوه
یاده ناسته د ننګرهار سیندیزې حوزې د رئيس ښاغلي سید فضل احد هاشمي تر مشري لاندې د یاد ولایت د استیناف محکمې، عدلیې ریاست، امنیه قوماندانۍ او استخباراتو ریاستونو د استازو په ګډون ترسره شوه.
په دې ناسته کې تصمیم ونیول شو، چې د سیند حریم او بستر کې غصب شوې ځمکې دې بېرته له غاصبینو څخه راوګرځول شي او دا کار به د دورنټې بند څخه پیل او تر ډکې پورې به ادامه پيدا کړې.
