فاریاب ولایت کې د ۸۵۰ زره افغانیو په ارزښت د جر قلعه کانال د جوړولو چارې پيل شوې
د فاریاب ولایت په دولت آباد ولسوالي کې د جرقلعه کانال د جوړولو چارې د ۸۵۰ زره افغانیو په ارزښت د شیرین تګاب سیندیزې فرعي حوزې رئيس ښاغلي مولوي محي الدین مبارز او یو شمېر نورو مسؤلینو په شتو ن کې پيل شوې.
د یاد کانال د چارو په پيل سره، ۶۷۰ کسانو ته د کار زمینه برابره شوې ده او د کار په بشپړیدو سره به یې ۱۸زره کسان په مستقیم او غیر مستقیم ډول ورڅخه ګټه واخلي.
د یادې پروژې چارې د اوبو په برخه کې د بشري مرستو د سکتور په مالي ملاتړ د شیرین تګاب سیندیزې فرعي حوزې تر څارنې لاندې پرمخ وړل کېږي.
