په فاریاب ولایت کې د روانو پروژو د پرمختګ له بهیر څخه څارنه وشوه
د میمنې سیندیزې حوزې انجینري ټیم له لوري په فاریاب ولایت کې د روانو پروژو د چارو له بهیر څخه څارنه وشوه.
په یاد ولایت کې د سریز بند د ودانۍ او محافظوي دیوال او د عطاخان خواجه د کانال د محافظوي دیوال چارې بشپړې شوې دي. همدارنګه، د جرقلعي کانال د دیوال ۷۰ سلنه، د کیسمه او اسلیم کانال ۸۵ سلنه او د کیسمه او اسلیم د سربند ۶۰ سلنه چارې پرمخ وړل شوي دې.
