د اوبو معینیت اونیزه تخنیکي ناسته ترسره شوه

mew-admin
Thu, Nov 24 2022 12:26 PM
۱

یاده ناسته د اوبو او انرژي وزارت د اوبو معین ښاغلي مجیب الرحمن عمر آخندزاده تر مشري لاندې د یاد معینیت د رئيسانو، سلاکارانو او تخنیکي مسؤلینو په شتون کې ترسره شوه.

په دې ناسته کې، د ټاکل شوي څېړونکي پلاوي له خوا د لغمان ولایت د شاهي کانال د وضعیت د څېړنې پرزنټیشن وړاندې شو او د پروژې د ستونزو د هوارولو او پاتې چارو د پیل په هکله بحث او د نظر تبادله وشوه.

همدارنګه په یاده ناسته کې، په کابل ښار کې  د معدني اوبو شرکتونو ته د فعالیت اجازه لیک او غیر الکولي مشروباتو موضوع په هکله هم اړینې خبرې وشوې.

د ناستې په دوام کې، د ځینو چکډمونو په هکله چې د خلکو له خوا ویجاړ شوي دي، اړین بحث او د نظر تبادله وشوه او اړوند رئيسانو ته لازم هدایات ورکړل شول، ترڅو د یادو چکډمونو د وضعیت بشپړ راپور چمتو او د اوبو او انرژي وزارت له رهبري سره یې شریک کړي.

User account menu