په فاریاب ولایت کې د بلوچ سربند پروژې چارې ۹۵ سلنه پرمخ تللي دي
د اوبو او انرژي وزارت انجنیرانو او ورسره مل د شیرین تګاب سیندیزې فرعي حوزې رئيس ښاغلي مولوي محي الدین مبارز د فاریاب ولایت په شیرین تګاب ولسوالي کې د بلوچ سربند پروژې له روانو چارو څخه څارنه وکړه.
د يادې پروژې چارې چې د څه باندې څلور میلیونه افغانیو په ارزښت د اکتید موسسې په مالي ملاتړ د شیرین تګاب سیندیزې فرعي حوزې تر څارنې لاندې پرمخ وړل کېږي، ۹۵ سلنه پرمخ تللي او ډېر ژر به ګټې اخیستنې ته وسپارل شي.
یادو انجنیرانو د پروژې مسؤلینو ته د چارو د غوره پرمخ وړلو په پار لازم هدایات ورکړل.
