کندز ولایت کې د دوو پروژو چارې د څه باندې پنځه سوه زره ډالرو په ارزښت پیل شوې
د کندز ولایت په ګلتپې او امام صاحب ولسوالیو کې د یوه کانال د ګبیوني تحکیماتو او یوولس پولچکو پروژو چارې د پنځه سوه او پنځه دیرش زره ډالرو(۵۳۵۰۰۰) په ارزښت د پنج آمو سیندیزې حوزې عمومي رئیس ښاغلي انجنیر رفیع الله مجبتی او یو شمېر نورو مسؤلینو په ګډون پيل شوې.
په یادو پروژو کې ، ۲۰ زره متره کېندنه او ۲۸۰۰ متر مکعب تحکیمات شامل دي، چې پکې زرګونو کسانو ته د کار زمینه برابره شوې ده.
د دې پروژو چارې د FAO سازمان په مالي ملاتړ د پنج آمو سیندیزې عمومي حوزې تر څارنې لاندې پرمخ وړل کېږي.
