په شمال سیندیزه عمومي حوزه کې د " څښاک اوبو د کلوریشن" ترسرلیک لاندې ۹ ورځنۍ ورکشاپ پای ته ورسېد
د شمال سیندیزې عمومي حوزې د انجنیرانو، د شمال زون د اوبو رسولو او فاضلابو ریاست د تخنیکي کارمندانو لپاره کوم ۹ ورځنۍ ورکشاپ چې د " اوبو کلوریشن، د څښاک اوبو په څاګانو کې د مضرو باکتریاو څخه مخنیوی او له منځه وړلو" تر سرلیک لاندې په لاره اچول شوی وو، نن د یادې سیندیزې عمومي حوزې د رئيس ښاغلي مولوي عبدالحکیم حاجي حکمت په شتون کې پای ته ورسېد.
د یادولو وړ ده، چې یاد ورکشاپ د آلمان هېواد په مالي ملاتړ په لاره اچول شوی وو.
