د اوبو او انرژي وزارت سلاکار ډاکټر فاروق اعظم د هېواد د ځان بسیاینې زرغون انقلاب د نړیوال کنفرانس په پېژندغونډه کې ګډون وکړ
د اوبو او انرژي وزارت سلاکار محترم ډاکټر فاروق اعظم، د هېواد د ځان بسیاینې زرغون انقلاب د نړیوال کنفرانس په پېژندغونډه کې، چې د لوړو زده کړو وزارت د معینانو، د کرنې، اوبو لګولو او مالدارۍ وزارت معین او د کابل پوهنتون د رئیس په شتون کې د لوړو زده کړو په وزارت کې دایره شوې وه، ګډون وکړ.
ددې نړیوال کنفرانس په پېژندغونډه کې د اوبو او انرژي وزارت سلاکار محترم ډاکټر فاروق اعظم د پوهنتون استادانو، محصلینو او د رسنیو استازو ته ګټورې او علمي خبرې وکړې.
محترم ډاکټر فاروق اعظم ددې ډول غونډو او کنفرانسونو دایرول د هېواد د علمي پرمختګ په برخه کې ګټور وبلل.
