د اوبو او انرژي وزارت د اوبو معین د لوګر له والي سره وکتل
د اوبو او انرژي وزارت د اوبو معین محترم مجیب الرحمن عمر آخندزاده د خپل کار په دفتر کې د لوګر له والي محترم مولوي ضیاالرحمن مدني سره وکتل
په دغه لیدنه کې، په لوګر ولایت کې د اوبو او انرژي پروژو د پلي کولو په هکله بحث او د اندونو تبادله وشوه.
د لوګر والي د اوبو او انرژي پروژو پلي کولو ته د هغه ولایت د خلکو اړتیاوي او ستونزې د اوبو له محترم معین سره شریکې کړې او هغه ولایت ته د وزارت د رهبري مقام د پاملرني غوښتونکی شو.
د اوبو محترم معین د لوګر والي ته ډاډ ورکړ، چې د شته امکاناتو په پام کې نیولو سره به د اوبو او انرژي پروژو د پلي کولو په برخه کې لوګر ولایت ته اړینه پاملرنه وشي.
