د ګوملې سیندیزې فرعي حوزې رئيس د پکتیکا ولایت له یو شمېر سیمه ییزو مسؤلینو سره وکتل
د ګوملې سیندیزې فرعي حوزې رئیس محترم قاري فتح محمد ذاکر د پکتیکا ولایت د ښاروالي، ښارجوړولو، چاپېریال ساتنې ریاستونو او د امنیې قومانداني له استازو او د ښرنې ښار د دوکاندارانو د ټولنې له غړو سره وکتل.
په دغه لیدنه کې، ښاغلي ذاکر د پکتیکا ولایت په مرکز ښرنه کې د اوبو د کړنلارو د پلي کولو په هکله خبرې وکړې او زیاته یې کړه، چې د دغې کړنلارې د پلي کولو په برخه کې د اړوندو دولتي ادارو په ګډون باید د بازار اتحادیه هم همکاري وکړي.
په ورته مهال، د ښار د ټولنې غړو د اوبو د کړنلارو د پلي کولو په برخه کې د همکاري ډاډ ورکړ او په دې برخه کې اړین تصمیمونه ونیول شول.
