د پنج آمو سیندیزې حوزې عمومي رئيس د ډې اې آی موسسې له مسؤلینو سره وکتل
د پنج آمو سیندیزې حوزې عمومي رئيس محترم مولوي عبدالحکیم حاجي حکمت د ډې اې آی موسسې له مسؤلینو سره وکتل او د کندز ولایت د چهار درې ولسوالي د عمومي کانال د پاکاري په هکله بحث او د اندونو تبادله وکړه.
په دغه لیدنه کې د نوموړې موسسې مسؤلینو د چهار درې ولسوالي د عمومي کانال د پاکاري په هکله لېوالتیا وښوده.
په ورته مهال، د نوموړې حوزې عمومي رئيس د دغې موسسې مسؤلینو ته د هر راز همکاري ډاډ ورکړ.
د یادونې وړ ده، چې د دغې پروژې د چارو په پيلیدو سره به څلور سوه کسانو ته د کار زمینه چمتو شي.
