بلخ ولایت کې د ۱۰ میګاواټه لمریزې برېښنا د تولید پروژې د تخنیکي سروې په هکله خبرې، اترې وشوې
د شمال سیندیزې حوزې عمومي رئيس محترم انجنیر رفیع الله مجتبی د بلخ ولایت د یو شمېر اړوندو ادارو د مسؤلینو په شتون کې د اوبو او انرژي وزارت د انرژي معینیت له تخنیکي ټیم سره وکتل او د بلخ ولایت په دهدادي ولسوالي کې د ۱۰ میګاواټه لمریزې برېښنا د تولید پروژې د تخنیکي سروې په هکله بحث او د اندونو تبادله وکړه.
په دغه لیدنه کې، د انرژي معینیت تخنیکي ټیم د نوموړې پروژې په هکله هر اړخیز معلومات وړاندې کړل او په دې برخه کې د همکاري غوښتنه وکړه.
په ورته مهال، د شمال سیندیزې حوزې عمومي رئيس د انرژي معینیت تخنیکي ټیم ته د هر راز همکاري ژمنه ورکړه.
