لغمان ولایت کې د چکله کانال د اوبو ګټه اخیستونکو ټولنې لپاره مدیره پلاوی وټاکل شو
د لغمان سیندیزې فرعی حوزې تخنیکي ټیم په شتون کې د یاد ولایت د دولت شاه ولسوالي په چکله دره کې د چکله کانال د اوبو ګټه اخیستونکو ټولنې لپاره مدیره پلاوی د یوې رڼې ټولټاکنې له لوري وټاکل شو.
همدارنګه، نوموړي تخنیکي ټیم د یادې درې قومي مشرانو ته د اوبو د ارزښت او د اوبو د ضایع کیدو او ککړتیا د مخنیوي په هکله عامه پوهاوی ورکړ او د یاد کانال تخنیکي سروې یې ترسره کړه.
