د 1403هـ ل کال په زمري میاشت کې د کنګل شوو( یخچالي) جهیلونو د سېلاب د واقع کېدو وړاندوینه.
📡🌐 د معتبرو نړیوالو هوا پېژندنې ادارو (Climate Reanalyze and WMO) د وړاندوینې پر بنسټ په نړیواله کچه په 2024 م کال د اوړي په میاشت کې د تودوخي درجې لوړېدل بې ساري دي چې نړۍ او زموږ هېواد افغانستان هم ورسره مخ دی.
🎡 له همدې کبله د تودوخي درجې د لوړېدو له امله د هېواد په ځينو ولایتونو (بغلان، پروان، پنجشیر، تخار، نورستان او بدخشان) کې چې د سمندر له سطحې څخه تر 4000 متره پورته له (4000ـ4500) لوړوالي پورې موقعیت لري، احتمال شته چې ځینې یخچالونه په چټکۍ سره وېلې او د جهیلونو اوبه یې زیاتې شي. په پایله کې ګمان کېږي چې د ۱۴۰۳ کال د زمري په میاشت کې د ځینو جهیلونو د ماتېدو لامل شي او احتمال لري چې د (تاله و برفک، خنجان، اندراب، سیاه گرد، شنواري، سالنگ، شتول، بازارک، دره هزاره، خنج، پریان، برگ متال، زیباک، اشکاشم، شغنان، کف آب، درواز ها او شاکي)) ولسوالي د زمري په میاشت کې د سېلابو نو له خطر سره مخ شي.
👮👥 د ذکر شوو سیمو له ټولو اوسېدونکو څخه غوښتنه کوو چې له موضوع څخه ځان خبر کړي او د سېلاب د واقع کېدو په وخت کې د ښکته(لاندینۍ) سیمو اوسېدونکو ته خبر ورکړي تر څو د رامنځته کېدونکو تاوانونو د کمېدو لامل شي.
يادونه: د سېلاب د احتمالی راوتلو تر خطر لاندې سیمې په نقشه کې په نښه شوې دي.
