د اوبو او انرژي وزارت سرپرست د غزني له والي سره وکتل
د اوبو او انرژي سرپرست وزیر محترم الحاج ملا عبداللطیف منصور د غزني له والي محترم الحاج مولوي عبدالصمد جاوېد او د غزني د اوبو او انرژي رئیس مولوي محمد شفیق منصور عمر سره د ولایت په مقام کې ولیدل.
د غزني ولایت د اوبو او انرژي رئیس د یاد ریاست د کړنو په تړاو ډاډ ورکړ او زیاته یې کړه د زردآلو بند چې په د غزني ولایت په قره باغ ولسوالي کې موقعیت لري او چارې به یې په راتلونکې کې پیل شي، د سلطان بند د ساتنې او پاملرنې پروژې چارې به د هوا له سمېدو سره سمې پیل شي او د اندړو ولسوالي د یرګتو بند مطالعات هم دوام لري.
ښاغلي منصور عمر څرګنده کړه چې د اوبو او انرژي وزارت په راتلونکي کال کې د زنخان ولسوالي په خوش ابدال او د واغظ ولسوالي په ملاخېل کلیو کې د سېلابونو د کنترول او ځمکې لاندې اوبو د تغذیې په موخه د شاوخوا 10 میلیونه افغانیو په لګښت چکډمونه جوړوي او همدارنګه په اجرستان ولسوالي کې د کرنیزو ځمکو د خوندي ساتلو په موخه استنادي دېوال جوړوي.
