د اوبو معين صاحب په انقره کې د افغانستان د اسلامي امارت له سفیر سره ليدنه وکړه .
د اوبو او انرژي وزارت د اوبو معين محترم مجيب الرحمن عمر اخندزاده او مل پلاوی يې د ترکيې هیواد په انقرې ښار کې د افغانستان د اسلامي امارت له سفیر محترم شیخ صنيع الله فرهمند سره ليدنه وکړه .
محترم معين صاحب په دغه ليدنه کې د اوبو د تنظيم په باره کې خپل اندونه له ښاغلي سفير صاحب سره شريک کړل تر څو ترکي او نور بهرني شرکتونه وهڅوي چې په افغانستان کې د اوبو په پروژو کې له افغان انجینیرانو سره په ګډه کار وکړي ،او هم ترکي او نورو بهرنیو پانګه والو ته په افغانستان کې د اوبو په پروژو کې د پانګونې لپاره سهولتونه برابر کړي .
ښاغلي سفير صاحب له معين صاحب سره د بشپړې همکارۍ ژمنه وکړه ،چې بهرني شرکتونه به وهڅوي چې د اوبو په تنظيم کې ونډه واخلي.
