فاریاب ولایت کې د اجریم غلبلې چکډم جوړولو چارې د نږدې ۵ میلیونه افغانیو په لګښت پیل شوې
د فاریاب ولایت په المار ولسوالي کې د اجریم غلبلې چکډم جوړولو چارې د ۴ میلیونه، ۶۲۲ زره او ۷۹۰ افغانیو په لګښت د فاریاب د اوبو او انرژي رئيس محترم مولوي محي الدین مبارز، د المار ولسوال او قومي مشرانو په شتون کې پیل شوې.
نوموړی چکډم د ۷۰ متره په اوږدوالي او د ۵.۹ متره په لوړوالي سره د اوبو او انرژي وزارت له پراختیایي بودجې څخه د فاریاب د اوبو او انرژي ریاست تر څارنې لاندې د اوبو د زېرمه کولو او د ځمکې لاندې اوبو د پياوړتیا په موخه جوړیږي.
