د برېښنا انرژي د تولید یوه شرکت ته جوازلیک ورکړل شو
د اوبو او انرژي وزارت د برېښنا مارکیټ حقوقي رئيس محترم خلیل الرحمن فاروقي د کابل ښار په یوولسمه ناحیه کې د عبدالسمیع برېښنايي چوپړتیاوو شرکت مسؤل ته د برېښنا انرژي د تولید جواز لیک ورکړ.
د دغه وزارت د برېښنا مارکیټ حقوقي رئيس د نوموړي شرکت مسؤل ته د جوازلیک د ورکړې پر مهال د رښتینې چوپړتیاوو پر وړاندې کولو باندې ټینګار وکړ، او د نوموړي شرکت له مسؤل څخه یې وغوښتل چې نور شرکتونه هم د جوازلیک تر لاسه کولو ته وهڅوي.
د یادونې وړ ده، چې نوموړی شرکت له دغه جوازلیک سره سم، د لیسې مریم په سیمه کې ۳۴ کیلو واټه لمریزه برېښنا تولیدوي.
