د پنج آمو سیندیزې حوزې عمومي رئيس په کندز ولایت کې د اوبو د کمښت ستونزې له نږدې وڅېړلې
د پنج آمو سیندیزې حوزې عمومي رئيس محترم مولوي اسدالله حامد او ورسره مل د دغه ریاست تخنیکي سلاکار د کندز ولایت دشت ارچې، خواجه غار او کلباد ولسوالیو ته د اوبو د کمښت ستونزو، د اوبو د غوره مدیریت او یو شمېر نورو موضوعاتو د څېړلو په موخه سفر وکړ.
ښاغلي حامد په دغه سفر کې د نوموړو ولسوالیو له مسؤلینو او قومي مشرانو سره وکتل او د اوبو د کمښت ستونزو د هوارولو، د اوبو د غوره مدیریت او د اوبو سرچینو د ساتنې په هکله خبرې وکړې.
همدارنګه، د پنج آمو سیندیزې حوزې عمومي رئیس د دشت ارچې کانال له مهمو برخو لکه د دوبندي سیمې، نهر جدید او نهر کهنه، د شهروان کانال او امام صاحب د عمومي کانال له سربندونو څخه لیدنه وکړه او اړوندو مسؤلینو ته یې اړینې لارښوونې وکړې.
