د اوبو د چارو د تنظیم ملي اداره کې د اوبو د کنټرولی بندونو(چکډم) په اړه تخنیکي ورکشاپ
د اسیا پراختيايی بانک(ADB) او د شلدیا دفتر په مالي او تخنیکي مرسته د اوبو د چارو د تنظیم ملي اداره کې د کابل سندیزو حوزو، د انجینري خدمتونو، کنټرول او کیفیت، څارنې او ارزونې، د برنامو د مدیریت مرکزي دفتر او سندیزو فرعي حوزو ریاستونو کار کوونکو ته د چکډمونو د تخنیکي روزنې په موخه درې ورځنی ورکشاپ پيل شو.
د اوبو د چارو د تنظیم ملي ادارې تخنیکي مرستيال، ښاغلي انجینر احمد ويس بصیري د دغه ورکشاپ پرانیسته وکړه او هغه یې د چکډم د پروژو د کیفیت په برخه کې ګټور ياد کړ.
ښاغلي بصيري په خپلو خبرو کې وویل چې د چکډم پروژې، د اوبو د مديریت او کنټرول، د سیلابونو مهارول، د ځمکې لاندې داوبو او د چاپېریال ساتنې پياوړتيا او څارویو ته د اوبو برابرولو په موخه په ټول هېواد کې پلي کيږي.
په دغه درې ورځنی په ورکشاپ کې د ملي او نړیوالو متخصیصینو په واسطه د تخنیکي برنامو سروې، ډيزان او د پروژو د پلي کولو څخه د څارنې په برخه کې ګډونوالو ته زده کړې ورکول کيږي.
