د لغمان سیندیزې فرعي حوزې مسؤلینو د سایګل درې او د اسلام آباد سیمې د روانو پروژو له چارو څخه څارنه تر سره کړه
د لغمان ولایت سیندېزې فرعي حوزې رئیس مولوی شیرجان راشدي او ورسره مل تخنیکي ټیم د لارې په مسیر لومړی د اسلام آباد سیمې له روانې پروژې څخه لیدنه تر سره کړه؛ او د یادې پروژې مسؤلینو او کاریګرو ته اصلاحي او تشویقي خبرو تر څنګ دوی ته د کار د بهبود لپاره ځینې لارښوني هم وکړلی.د یادونې وړ ده، چې په یاده پروژه کې شاه او خوا ۲۰۰ کسانو ته پکې د کار زمینه برابره شوې، هر کاریګر ته به د کار په بدل کې د میاشتې ۷۷۰۰ افغانۍ ورکول کېږي؛ تر دې وروسته د لغمان ولایت سیندېزې فرعي حوزې رئیس مولوي شیرجان راشدي او ورسره ملتخنیکي ټیم د شربت خیلو سیمې له روانو پروژو څخه هم لیدنه تر سره کړه. همدارنګه شربت خيلو کانال سربند چې ۱۶۰ کسانو ته د کار زمینه برابره شوې او شربت خيلو محافظوي ديوال چې ۶۲ کسانو ته پکې د کار زمینه برابره شوې، هر کاریګر ته به د کار په بدل کې د میاشتي ۷۷۰۰ افغاني ورکول کېږي، یادې پروژې به شا او خوا ۹ میاشتې وخت ونيسي. د یادونې وړ ده، چې یادې پرژې د WFP ، ABM په مالي لګښت او د لغمان ولایت سیندېزې فرعي حوزې په همکاري پرمخ وړل کېږي.
