تخار ولایت کې د پنج آمو سیند د څنډو د تحکیماتو د دریم لاټ(برخې) پروژې چارې څلورویشت(۲۴) سلنه بشپړې شوې دي
د تخار ولایت د ینګي قلعې ولسوالي په یتیم تپه کلي کې د پنج آمو سیند د څنډو د تحکیماتو د درېمې برخې پروژې چارې څلورویشت(۲۴) سلنه بشپړې شوې دي.
نوموړې پروژه د اوبو او انرژي وزارت له لوري یوه داخلي شرکت ته د دوه دېرش میلیونه، درې څلوېښت زره، پنځه سوه او دوه ویشت (۳۲،۰۴۳،۵۲۲) افغانیو په ارزښت په قرارداد ورکړل شوی، چې د چارو په بشپړېدو سره به یې ګڼ شمېر د استوګنې کورونه او بڼونه د پنج آمو سیند له ویجاړیو څخه خوندي شي او همدارنګه به سلګونه جریبه ځمکه د کرهنې لپاره چمتو شي.
