د اوبو او انرژي سرپرست وزیر د ارزګان ولایت له یو شمېر قومي مشرانو سره په هغه ولایت کې د اوبو او انرژي پروژو د پلي کولو په هکله خبرې، اترې وکړې
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د ارزګان ولایت له یو شمېر قومي مشرانو سره وکتل او په هغه ولایت کې د اوبو او انرژي پروژو په ځانګړې توګه د آغاجان بند د پروژې په هکله یې بحث او د اندونوتبادله وکړه.
په دغه لیدنه کې، د نوموړي ولایت قومي مشرانو په هغه ولایت کې اوبو او انرژي پروژو په ځانګړې توګه د آغاجان بند د پروژې د پلي کولو غوښتنه وکړه.
د اوبو او انرژي سرپرست وزیر په دغه لیدنه کې د ارزګان ولایت قومي مشرانو ته ډاډ ورکړ، چې د شته امکاناتو په پام کې نیولو سره به په نوموړي ولایت کې د اوبو او انرژي پروژې پلي شي او د آغاجان بند پروژه د دغه وزارت په کاري لومړیتوبونو کې ځای لري او د مطالعاتو د امکان سنجي لپاره یې بودجه منظوره شوې او محترم امیرالمؤمنین حفظه الله هم د نوموړې پروژې د پلي کولو لپاره لارښوونه کړې ده، له همدې کبله دغه وزارت هڅه کوي چې چارې یې ډېر ژر پیل شي.
