دانرژي معینیت اونيزه غونډه تر سره شوه .
دغه غونډه د اوبو او انرژي وزارت د انرژي معین محترم مولوی عارف الله عارف په مشري او د انرژي سکتور د ټولو رئیسانو او یو شمېر تخنیکي مسئوولینو په حضور کې تر سره شوه.
د غونډې په پیل کې رئیسانو او مسئوولینو د تېرې غونډې د پرېکړې د عملي کولو په موخه د خپلو فعالیتونو راپور وړاندې کړ او د خپلو کړنو په اړه یې هر اړخیز معلومات ورکړل.
له غونډې وروسته د بېلابېلو اداري او تخنیکي مسایلو په ځانګړي ډول د انرژي د قوانینو، مقرراتو او طرزالعملونو د بیا کتنې په اړه لازم تصمیمونه ونیول شول.
د اوبو او انرژي وزارت د انرژي معین په غونډه کې د اړوند موضوعاتو له هر اړخیزې ارزونې وروسته د یادو موضوعاتو د ښه او پر وخت تطبیق په موخه لازمې پرېکړې وکړې او اړوندو مسئوولینو ته یې لازمې لارښوونې وکړې.
