د اوبو او انرژي سرپرست وزیر د لوګر ولایت له مشرانو سره وکتل
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د لوګر ولایت له مشرانو سره وکتل او په هغه ولایت کې یې د اوبو او انرژي پروژو په هکله خبرې وکړې.
په دغه لیدنه کې، د لوګر ولایت مشرانو د اوبو او انرژي پروژو په ځانګړې توګه د خروار بند د جوړولو غوښتنه وکړه.
د اوبو او انرژي سرپرست وزیر په دغه لیدنه کې نوموړو مشرانو ته وویل چې د خروار بند د دغه وزارت په کاري لومړیتوبونو کې ځای لري او اوسمهال یې تدارکاتي چارې پرمخ وړل کېږي.
همدارنګه ښاغلي منصور هغوی ته ډاډ ورکړ، چې د لوګر ولایت د خلکو د اوبو او برېښنا ستونزو ته به هم د شته امکاناتو په پام کې نیولو سره رسیدګي وشي.
