د اوبو او انرژي سرپرست وزیر د میدان وردګ ولایت له والي سره وکتل
د اوبو او انرژي سرپرست وزیر محترم الحاج ملا عبداللطیف منصور په داسې حال کې چې د اوبو معین محترم مجیب الرحمن عمر آخندزاده هم شتون درلود، د میدان وردګ له والي محترم قاري بختیار معاذ او د هغه ولایت له یو شمېر نورو سیمه ییزو مسؤلینو سره وکتل.
په دغه لیدنه کې، د میدان وردګ والي د هغه ولایت د خلکو وړاندیزونه د اوبو او انرژي وزارت له رهبري سره شریک کړل او په یاد ولایت کې یې د اوبو او برېښنا پراختیایي پروژو د پلي کولو غوښتنه وکړه.
د اوبو او انرژي سرپرست وزیر د میدان وردګ والي ته ډاډ ورکړ، چې د دغه وزارت د شته امکاناتو په پام کې نیولو سره به د هغوی ستونزو ته رسیدګي وشي
