د اوبو او انرژي وزارت د انرژي معینیت رهبري غونډه د یاد وزارت د غونډو په تالار کې ترسره شوه
یاده غونډه د اوبو او انرژي وزارت د دفتر عمومي رئیس ښاغلي قاري محمد عبدالعزیز عزیز په مشري د یاد معینیت د رئیسانو، سلاکارانو او تخنیکي انجنیرانو په شتون کې ترسره شوه.
په دې غونډه کې د بېلابېلو موضوعاتو په ځانګړي ډول د انرژي زونونو د ستونزو څېړلو، د سمنګان ولایت څېړنیز ټاور له حضرت سلطان سیمې څخه بلې مناسبې سیمې ته د لېږد او د 2 سروبي بند د لومړني راپور د څېړنې په هکله بحث او د اندونو تبادله وشوه.
د یادې غونډې په پای کې ښاغلي قاري صاحب د ستونزو له هر اړخیزې ارزونې وروسته اړینې لارښوونې وکړې او د چارو په چټکتیا یې ټینګار وکړ.
