د اوبو او انرژي وزارت د اوبو معین د فاریاب ولایت د غورماچ او پښتون کوټ ولسواليو له مشرانو سره وکتل
د اوبو او انرژي وزارت د اوبو معین محترم مجیب الرحمن عمر آخندزاده د خپل کار په دفتر کې د فاریاب ولایت د
غورماچ او پښتون کوټ ولسواليو له مشرانو سره وکتل او په یادو ولسوالیو کې د اوبو او انرژي پروژو د پلې کولو په هکله خبرې وکړې.
په یاده لیدنه کې، د یادو ولسوالیو مشرانو خپلې ستونزې او وړاندیزونه د اوبو او انرژي وزارت د اوبو له معین سره شریک کړل او په یادو ولسوالیو کې یې د لنګري، پل خشت او خشتي پل بندونو د جوړولو غوښتنه وکړه.
د اوبو ښاغلي معین د یاد ولسوالیو مشرانو ته ډاډ ورکړ چې دغه وزارت به د افغانستان اسلامي امارت له تګلاور سره سم د شته امکاناتو او متوازن انکشاف په پام کې نیولو سره د دوی ستونزو ته رسیدګي وکړي.
