د اوبو او انرژي وزارت پلاوي د خوست ولایت د شمل خرم سیندیزې حوزې څخه لیدنه وکړه
د اوبو او انرژي وزارت پلاوي د کابل سیندیزې حوزې د رئیس انجنیر حبیب الرحمن حقپال په مشرۍ د خوست ولایت د شمل خرم سیندیزې حوزې څخه لیدنه وکړه.
په دې لیدنه کې د شمل خرم سیندیزې حوزې د شته ستونزو په هکله بحث او د نظر تبادله وشوه.
همدارنګه، یاد پلاوې او د شمل خرم فرعي سیندیزې حوزې رئیس انجنیر زین الله نسیمي د خوست ولایت د والي مولوي بسم الله عبدالله آخند سره وکتل او د کار په مقابل کې د غنمو د وېش پروګرام په هکله خبري یې اترې وکړې.
په ورته مهال کې، انجنیر حبیب الرحمن حقپال او ورسره مل پلاوي په یاد ولایت کې د مټه چینې چکډم، د متون نیچکي چکډم او د خدر پیرانو د ګبیون وال پروژې څخه لیدنه وکړه.
