د دعوت او ارشاد ریاست روزنیز او اصلاحي سمینار د خیرالدارین په هکله ترسره شو
یاد سمینار د اوبو او انرژي وزارت د دعوت او ارشاد رئيس ښاغلي مولوي ګل رحمن عارف په شتون کې د وزارت په جومات کې ترسره شو.
د یاد سیمنار په پیل کې، د قرآن کریم څو آیتونه د اوبو او انرژي وزارت د جومات د امام ښاغلي سید هارون له خوا تلاوت شول او وروسته د دعوت او ارشاد رئيس د اسلام له نظره د خیرالدارین د ارزښت په هکله خبرې وکړې.
ښاغلي مولوي عارف په خپلو خبرو کې د امرباالمعروف او نهي عن المنکر د پلي کولو د ارزښت په هکله خبرې وکړې او د اسلامي امارت د امرباالمعروف او نهي عن المنکر د فرامینو په عملي کولو باندې یې ټینګار وکړ.
ښاغلي مولوي صاحب د سمینار په دوام کې له ګډونووالو څخه و غوښتل چې د امرباالمعروف د ارزښتونو په عملي کولو کې هڅه وکړي، ترڅو د هغه له ارزښت څخه برخمن شي.
