د پکتیا سیندیزې فرعي حوزې رئيس د بالاده کانال د بیارغونې او پاکاري چارو له بهیر څخه څارنه وکړه
د پکتیا سیندیزې فرعي حوزې رئيس ښاغلي مولوي محمد کریم فاتح او ورسره مل تخنیکي ټیم د یاد ولایت مرکز اړوند د بالاده کانال د بیارغونې او پاکاري چارو له بهیر څخه څارنه ترسره کړه او مسؤلینو ته یې لازم هدایات ورکړل.
د یادې پروژې چارې د یوې مرستندویه ټولنې په مالي ملاتړ د څه باندې اته سوه او نوې زره افغانیو په ارزښت د پکتیا سیندیزې فرعي حوزې تر څارنې لاندې پرمخ وړل کېږي.
د دې پروژې چارې د یوې میاشتې په موده کې بشپړېږي او کابو ۳۵۰ کورنۍ به ورڅخه ګټه واخلي او له ۱۸۰ هکتاره زیاته کرنیزه ځمکه به تر خړوبولو لاندې راشي.
