له ارغندۍ سب سټیشن څخه د میدان وردګ ولایت تر سید آباد ولسوالي پورې د ۲۲۰ کیلو ولټ برېښنا د لېږد مزي پروژه پرانیستل شوه
دغه پروژه د اوبو او انرژي سرپرست وزیر محترم الحاج ملا عبداللطیف منصور، د افغانستان برېښنا شرکت عمومي رئيس محترم مولوي محمد حنیف حمزه، د برېښنا شرکت عملیاتي رئيس محترم مولوي عبدالرحمن رحماني، د برېښنا شرکت سوداګریز رئيس محترم مؤمن بسمل او د اوبو او انرژي وزارت او د نوموړي شرکت د نورو مسؤلینو په شتون کې پرانیستل شوه او ګټې اخیستنې ته وسپارل شوه.
د افغانستان برېښنا شرکت مسؤلینو د دغې پروژې د پرانیستې پر مهال وویل چې ټاکل شوې ده چې د برېښنا د غه مزی به په راتلونکي کې غزني او نورو ولایتونو ته هم وغځول شي.
د یادونې وړده، چې له دغې پروژې څخه د میدان وردګ ولایت د سید آباد ولسوالي اوسیدونکي ګټه پورته کوي او د هغوي د بې برېښنایې ستونزې به هوارې شي.
