په پروان ولایت کې د اشکند کانال د احیا او رغولو چارې د څه باندې شپږ سوه زره افغانیو په ارزښت بشپړې او ګټې اخیستنې ته و سپارل شوې
د پروان ولایت په سیاه ګرد ولسوالي کې د اشکند کانال د احیا او رغولو چارې د شپږسوه، اووه څلويښت زره او نه سوه افغانیو په ارزښت (۶۴۷۹۰۰) بشپړې او ګټې اخیستنې ته وسپارل شوې.
د یادې پروژې چارې چې د اوبو په سکتور کې د بشري مرستو په مالي ملاتړ د غوربند- چاریکار سیندیزې فرعي حوزې تر څارنې لاندې پرمخ وړل کېدې، پکې سلګونو کسانو ته د کار زمینه برابره شوې وه او د ۴۸۰ هکتاره کرنیزې ځمکې د خړوبولو وړتیا لري.
