د دعوت او ارشاد روزنیز او اصلاحي سمینار د صبر او نیک ګمان په هکله ترسره شو
یاد سمینار د اوبو او انرژي وزارت د دعوت او ارشاد ریاست مبلغ، مولوي عبدالواحد په شتون کې د یاد وزارت په جومات کې ترسره شو.
ددې سمینار په پیل کې، د قرآن کریم څو آیتونه د اوبو او انرژي وزارت د جومات امام، ښاغلي سید هارون له خوا تلاوت شول او وروسته د دعوت او ارشاد ریاست مبلغ ښاغلي عبدالواحد د صبر او د هغه د ارزښت په هکله خبري وکړې.
ښاغلي مولوي عبدالواحد په خپلو خبرو کې د صبر د ارزښت په هکله خبرې وکړې او یادونه یې وکړه چې لمونځ له ستونزو څخه د خلاصون او د هغوی په وړاندي د مقابلې تر ټولو ښه وسیله ده؛ ښاغلي مولوي صاحب د سمینار په دوام کې د شکر ایستلو په هکله خبري وکړې او کارمندان یې صبر او نیک ګمان درلودلو ته وهڅول.
