د سترو پروژو د قراردادونو د څېړنې د رهبري پلاوي دوهمه ناسته د کجکي بند د قرارداد په هکله ترسره شوه
د هلمند ولایت د کجکي بند پروژې د قرارداد د څېړنې د مخکنې ناستې په دوام کې، دا ناسته د اوبو او انرژي وزارت د سرپرست وزیر ښاغلي ملا عبداللطیف منصور، د کلیو پراختیا وزارت د سرپرست وزیر ښاغلي ملا محمد یونس آخند، ، د اوبو او انرژي وزارت، د اقتصاد وزرات، د مالیې وزارت، د ټولګټو وزارت او د تدارکاتو ملې ادارې د معینانو او استازو په شتون کې ترسره شوه.
په یاده ناسته کې، د اوبو او انرژي وزارت، ماليې وزارت، د پانګونې د آسانتیا واحد او د افغانستان برېښنا شرکت یوه ګډه کمیټه چې د ریاست الوزرا عالي مقام د ۲۰۹ نمبر حکم پر اساس د ۲۲/۱/۱۴۴۴ نیټې منظور شوې ده، موظفه شوه، ترڅو یاد قرارداد په بشپړه توګه وڅېړې او د خپلو بیاکتنو پایلې په یو بشپړ راپور کې د رهبري مقام ته وړاندې کړي
