Afghan Wind generation Power شرکت د CNNC چینایي شرکت په ملتیا په افغانستان کې د انرژي په برخه کې پانګونه کوي
د اوبو او انرژي وزارت د انرژي معین ښاغلي مولوي عارف الله" عارف" نن د غرمي مخکي د خپل کار په دفتر کې د Afghan Wind generation Power شرکت له استازي ښاغلي راشدخان سره وکتل.
په دغه لیدنه کې، د یاد شرکت استازي په هیواد کې د انرژي د تولید په برخه کې د پانګونې لیوالیتا څرګنده کړه. هغه زیاته کړه، چې د CNNC چینایي شرکت په ملتیا په هیواد کې د ۴۵۰ میګاواټه انرژي د تولید په برخه کې پانګونه کوي.
د اوبو او انرژي وزارت د انرژي معین ښاغلي مولوي عارف الله" عارف" د یاد شرکت له پانګونې څخه د انرژي د تولید په برخه کې هرکلی و کړ او زیاته یې کړه" اوس هغه وخت را رسیدلی چې د هیواد د آبادۍ په برخه کې ټول سره په ګډه کار و کړو او مونږ ټولو کورنیو او بهرنیو شرکتونو ته بلنه ورکوو چې راشي د انرژي د تولید په برخه کې پانګونه وکړې او مونږ دوی ته د پانګونې لپاره د زمینې برابرولو او د هر راز همکاري ژمنه کوو."
د اوبو او انرژي وزارت د انرژي معین د یاد شرکت له استازي سره په لیدنه کې زیاته کړه، چې په دې وروستیو کې ډیر کورني او بهرني شرکتونه له دوی سره په لیدنه کې د پانګونې لیوالتیا د انرژي د تولید په برخه کې څرګنده کړې او مونږ ټولو ته د پانګونې لپاره د زمیني برابرولو او د همکاري ډاډ ورکړی دی.
