اوبو او انرژي وزارت سرپرست د مشکلاتو دحل او بريښنا رسونې بهتره خدمتونو دوړاندې کولو په موخه د افغانستان بريښنا شرکت له سرپرست رئیس سره وکتل
د اوبو او انرژي وزارت سرپرست ښاغلي ملا عبداللطیف منصور د افغانستان بريښنا شرکت له سرپرست رئیس مولوی حمد الله زاهد، د کابل بريښنا رئیس مولوی فضل الرحمن فضلی او د یاد شرکت یو شمیر مسؤلینو سره د پورونو د ورکړې د ستونزو د حل او په هیواد کې د بریښنا رسونې پراختیا په اړه بحث او نظرونو تبادله وکړه.
په دې لیدنه کې د انرژۍ د تولید بندونو د پروژو، په قسطي ډول د پورونو د ورکړې په لارښود او په هیواد کې د بريښنا رسونې شبکو د پراختیا په اړه بحث وشو.
همداشان دواړو خواو د ستونزو د حل او د انرژي خدماتو د پراختیا په برخه کې په لا زیاتې همغږۍ ټینګار وکړ.
