بغلان ولایت کې د اخته کانال د سربند او استنادي دېوال بیارغونه او د یوه استنادي دېوال د جوړېدو چارې پيل شوې
د بغلان ولایت په مرکزي بغلان ولسوالي کې د اخته کانال د سربند او استنادي دېوال بیارغونه او د یوه استنادي دېوال د جوړېدو چارې د بغلان د سیندیزې فرعي حوزې د رئيس محترم ملا محمد عمر انس، د مرکزي بغلان د ولسوال محترم مولوي عبدالستار جلالي، قومي مشرانو او یو شمېر نورو سیمه ییزو مسؤلینو په شتون کې پيل شوې.
په نوموړو پروژو کې ګڼ شمېر خلکو ته د کار زمینه چمتو شوې او د چارو په بشپړېدو سره به یې ۴۴۵۰ هکتار ځمکه خړوبه شي.
د دغو پروژو چارې د یو، این، ډي، پي په مالي لګښت د بغلان سیندیزې فرعي حوزې او د اقتصاد ریاست تر څارنې لاندې پرمخ وړل کېږي.
