بغلان ولایت کې د څلورو پراختیایي پروژو د چارو له بهیر څخه څارنه وشوه
د بغلان ولایت د اوبو او انرژي ریاست مسؤلینو د اخته چې کانال د استنادي دېوال او سربند، د نورزي سیمې د کانال لایننګ، د لقي سیلبر استنادي دېوال او د دوبي کلي د سیلبر د پل ګوټي د بیارغونې چارو له بهیر څخه څارنه وکړه او اړوندو مسؤلینو ته یې د چارو د غوره کیفیت په موخه اړینې لارښوونې وکړې.
د دغو پروژو د چارو په بشپړېدو سره به ۳۴۰۰ جریبه ځمکه خړوبه او څو کلي د سیلابونو له ګواښ څخه خوندي شي.
د نوموړو پروژو چارې د یو. ان. ډي. پي دفتر په مالي لګښت د بغلان د اوبو او انرژي ریاست تر څارنې لاندې پرمخ وړل کیږي.
