د افغانستان اسلامي امارت د کابینې د (۱۷) ګڼې مصوبې د تحقق په موخه دویمه تخنیکي ناسته ترسره شوه.
د آمو سیند غاړو تحکیماتو په اړه د افغانستان اسلامي امارت د کابینې(۱۷) ګڼې مصوبې د تحقق په موخه دویمه تخنیکي ناسته د اوبو او انرژي وزارت د اوبو معینیت د جلساتو په تالار کې د بهرنیو چارو وزارت، د سرحدونو، قومونو او قبایلو چارو وزارت، د کرنې، اوبو لګولو او مالداري وزارت، د معادونو او پطرولیم وزارت، د طبیعي حوادثو پر وړاندې د مبارزې وزارت او د احصایې ملي ادارې استازو په ګډون ترسره شوه.
په غونډه کې د اړوند اداراتو د استازو له لوري د آمو سیند غاړو تحکیماتو د طرحې غني کولو په موخه بېلابېل نظریات او وړاندیزونه مطرح شول او په دې اړه لازم تصامیم ونیول شول.
