د افغانستان برېښنا شرکت د مدیره پلاوي دوهمه ناسته ترسره شوه
دا ناسته د اوبو او انرژي وزارت د سرپرست ښاغلي ملا عبداللطیف منصور او د افغانستان برېښنا شرکت د مدیره پلاوي د ټولو غړو په ګډون د اوبو او انرژي وزارت د غونډو په تالار کې ترسره شوه.
په غه ناسته کې، د افغانستان برېښنا شرکت د اساسنامې پر تعدیل او بیاکتنې باندې بحث او دنظر تبادله وشوه.
د اوبو او انرژي وزارت سرپرست ښاغلي ملا عبداللطیف منصور په دې ناسته کې د انرژي په پراختیا کې د یاد شرکت د اساسنامې د اهمیت په هکله خبرې وکړي او د مدیره پلاوي له ټولو غړو څخه و غوښتل، چې خپلې تولې هڅې د دې اساسنامې د تعدیل او بیاکتنې پر وخت په کار واچوي.
ښاغلي منصور په خپلو خبرو کې ټینګار وکړ، اړینه ده چې د انرژي سکتور ټول مسؤلین په هیواد کې د انرژي د پراختیا په لاره کې پر یوې مشخصي او کلي تګلارې باندې کار وکړي.
