د انرژي معینیت اونیزه اداري او تخنیکي ناسته ترسره شوه
دغه ناسته د اوبو او انرژي وزارت د انرژي معین محترم الحاج ملا عبدالهادي یعقوب تر رهبري لاندې د دغه معینیت د رئيسانو، سلاکارانو او یو شمېر تخنیکي مسؤلینو په شتون کې ترسره شوه.
د ناستې په بهیر کې د انرژي د سکټور اړوند بېلابېلو موضوعاتو او د چارو د انسجام، همغږي او لا غوره تنظیم په هکله بحث او د اندونو تبادله وشوه.
همدارنګه، د ناستې په بهیر کې د برېښنا رسونې، د غزني ولایت د مرکز او اندړ ولسوالي د شبکې د پراختیا په هکله هم خبرې، اترې وشوې او اړین تصمیمونه ونیول شول.
د انرژي محترم معین د موضوعاتو تر ارزولو وروسته، اړوندو مسؤلینو ته د چارو د غوره پرمخ وړلو په موخه اړینې لارښوونې وکړې.
