د انرژي معینیت کارمندانو ته د اجراآتو ارزونې د څرنګوالي پرمخ وړلو په موخه ورکشاپ ترسره شو
دغه ورکشاپ د بشري سرچینو ریاست د ادارې پراختیا او وړتیا لوړونې او د سوانح، ډیټابیس او د اجراآتو ارزونې آمریتونو له لوري د دغه ریاست د غونډو په تالار کې ترسره شو.
په دغه ورکشاپ کې، د اوبو او انرژي وزارت د بشري سرچینو متخصصینو د ارزونې د ډولونو، د ارزونې د ارزښت، د ارزونې د فورمونو ډکولو د څرنګوالي، د غونډو د جوړولو د ډول او کارمندانو ته د نومرو ورکولو د څرنګوالي په هکله اړین معلومات وړاندې کړل.
د یادونې وړ ده، چې دغه ورکشاپ دوام لري او ټاکل شوې ده چې په راتلونکو ورځو کې د وزارت ټولو کارمندانو ته د اجراآتو د ارزونې په هکله اړینې زده کړې ورکړل شي.
