د اوبو او انرژي سرپرست وزیر په تخار ولایت کې له نمک آب کانال پروژې څخه لیدنه وکړه
د اوبو او انرژي سرپرست وزیر ښاغلي الحاج ملا عبداللطیف منصور د تخار ولایت د نمک آب ولسوالي اړوند د نمک آب کانال پروژې څخه په داسې حال کې چې د شمال سیندیزې حوزې عمومي رئیس محترم الحاج مولوي عبدالحکیم حاجي حکمت، د سیند د غاړو د تحکیماتو رئیس محترم مولوي سید غلام مشواڼي، د تالقان فرعي سیندیزې حوزې رئیس مولوي صبغت الله قانع او یو شمیر ځایي مسؤولینو او قومي مشرانو یې ملتیا کوله، لیدنه وکړه.
په یاده لیدنه کې د نمک آب ولسوالي ځایي مسؤولینو او قومي مشرانو د نمک آب کانال پروژې اړوند چې ۱۱۰۰ متره اوږدوالی لري، ځینې تخنیکي او ساختماني ستونزې د اوبو او انرژي سرپرست وزیر سره شریکې کړې، چې د اوبو او انرژي سرپرست وزیر د دوی ستونزو ته د رسیدګۍ ډاډ ورکړ.
