د اوبو او انرژي سرپرست وزير د سمنګان ولايت د آب کيلي بند له سيمې څخه ليدنه وکړه
د اوبو او انرژي سرپرست وزير محترم الحاج ملا عبداللطيف منصور د سمنګان ولايت په خرم ولسوالي کې د آب کيلي بند له سيمې څخه په داسې حال کې چې د سمنګان والي محترم مولوي عبدالاحد فضلي، د شمال سينديزې حوزې عمومي رئيس محترم انجنير رفيع الله مجتبى،د پنج آمو سينديزې حوزې عمومي رئيس محترم مولوي عبدالحکيم حاجي حکمت، د بلخ سينديزې فرعي حوزې رئيس محترم مولوي موسى جان حقبين، د سمنګان سينديزې فرعي حوزې رئيس محترم ملا محمد عمر انس يې ملتيا کوله، ليدنه وکړه.
د اوبو او انرژي سرپرست وزير سيمه ايزو مسٶلينو او د ياد ولايت قومي مشرانو ته ډاډ ورکړ،چې د دغه بند چارې به د متوازنې پراختيا او شته امکاناتو په پام کې نيولو سره پرمخ يووړل شي.
د يادونې وړ ده، چې د نوموړي بند سروي په 2014 زيږديز کال کې ترسره شوې ده.
