د اوبو او انرژي سرپرست وزیر د اهل تشیع علماوو د ټولنې له رئيس او مشرانو سره د بېلابېلو موضوعاتو په هکله بحث او د اندونو تبادله وکړه
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د اهل تشیع علماوو د ټولنې له رئيس محترم سید حسن فاضل زاده او مشرانو سره وکتل.
په دغه لیدنه کې، دواړو لورو د په هېواد کې د بېلابېلو سیاسي او ټولنیزو مسائلو په ځانګړې توګه په افغانستان کې د اهل تشیع د ځینو مسائلو او ستونزو په هکله بحث او د اندونو تبادله وکړه.
دواړو لورو د اړینو بحثونو او د اندونو تر تبادلې وروسته، د دوه اړخیزو همکاریو او ملاتړ د ترسره کولو په هکله ژمنه وکړه او د وزارت د رهبري له لوري شته امکاناتو ته په کتو سره د اهل تشیع خلکو د اوبو او برېښنا اړوندو مسائلو د هوارولو په هکله ډاډ ورکړ شو.
