د اوبو او انرژي سرپرست وزیر د لغمان له والي سره په هغه ولایت کې د شاهي کانال د پروژې په هکله خبرې وکړې
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د لغمان له والي محترم شیخ شیراحمد حقاني سره وکتل او د شاهي کانال د پروژې په هکله یې بحث او د اندونو تبادله وکړه.
په دغه لیدنه کې، د اوبو او انرژي سرپرست وزیر د لغمان والي ته ډاډ ورکړ، چې د شاهي کانال پروژه د دغه وزارت په کاري لومړیتوبونو کې ځای لري او له نېکه مرغه نوموړی کانال په پراختیايي بودجه کې هم شامل شوی دی.
په ورته مهال، ښاغلي منصور زیاته کړه، چې د دغه وزارت له لوري د نوموړي کانال ډیزاین او نورې تخنیکي چارې ترسره شوې او هڅې روانې دي چې عملي چارې یې هم ډېر ژر پیل شي.
