د اوبو او انرژي سرپرست وزیر د پکتیا له والي سره وکتل
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د پکتیا له والي محترم ملا امیرالله حماد سره وکتل.
په دغه لیدنه کې، په پکتیا ولایت کې د اوبو او انرژي پروژو په هکله بحث او د اندونو تبادله وشوه او د اوبو او انرژي سرپرست وزیر د هغه ولایت والي ته ډاډ ورکړ، چې د شته امکاناتو په پام کې نیولو سره به په نوموړي ولایت کې د اوبو او انرژي پروژو په برخه کې اړینه پاملرنه وشي.
