د اوبو او انرژي سرپرست وزیر د پکتیکا ولایت له مشرانو سره وکتل
د اوبو او انرژي سرپرست وزیر محترم ملا عبداللطیف منصور د پکتیکا ولایت د ارګون ولسوالي له مشرانو سره وکتل او د هغه ولایت د خلکو د اوبو او برېښنا د ستونزو په هکله یې خبرې وکړې.
په دغه لیدنه کې، د نوموړې ولسوالي مشرانو خپلې ستونزې د اوبو او انرژي له سرپرست وزیر سره شریکې کړې او په هغه ولسوالي کې یې د اوبو او انرژي پروژو د پلي کولو غوښتنه وکړه.
د اوبو او انرژي سرپرست وزیر هغوی ته ډاډ ورکړ، چې د شته امکاناتو او متوازن انکشاف په پام کې نیولو سره به د دوی ستونزو ته رسیدګي وشي.
