د اوبو او انرژي سرپرست وزیر د کندهار ولایت له یو شمېر قومي مشرانو سره وکتل
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د کندهار ولایت د ارغستان ولسوالي له یو شمېر قومي مشرانو سره وکتل.
په دغه لیدنه کې، د ارغستان ولسوالي قومي مشرانو په دغه ولسوالي کې د لورې بند د پروژې د چارو د پیلولو غوښتنه وکړه.
په ورته مهال، د اوبو او انرژي سرپرست وزیر د نوموړې ولسوالي له قومي مشرانو سره په لیدنه کې څرګنده کړه، چې د لورې بند پروژه د اوبو او انرژي وزارت په کاري لومړیتوبونو کې ده او د دغه وزارت د ۱۴۰۳ هـ ل کال په بودجه کې شامله شوې ده چې د روان کال د بودجې تر منظورۍ وروسته به یې د ډیزاین چارې پیل شي.
